Die veeperd speel op die meeste veeplase in die land ‘n baie belangrike rol. Net so belangrik is die konsep van saalpas. Omdat die veeperd die veewagter heeldag tussen die vee ronddra sodat hy as eerste kontakpunt tussen die vee en die boer sy werk doeltreffend kan uitvoer, is saalpas en die instandhouding van die veeperd se saaltuig baie belangrik. In hierdie videoreeks verduidelik William Bondesio, bekende perdekenner en -afrigter, ‘n paar van die basiese beginsels rondom saaltuig, veral die pas van die saal op die perd se rug.  


Van perdekrag tot perdekrag op hiérdie saaiplaas!

’n Grondaangedrewe misstrooier word baie effektief gebruik om mis op die lande te strooi.

Wat sal gebeur as hy van die meeste van sy trekkers ontslae raak, dit met trekperde vervang en sy boerdery só inrig dat hy die meeste van sy bewerkings met die perde kan doen? Dit was die vraag wat in Petrus van Eeden van Harrismith in die Vrystaat se kop opgekom het toe hy na baie jare van konvensionele saaiery besef het dat hy nie voor kom met sy boerdery nie.

“Ek het in effek vir die bank geboer. Sodra ek ’n trekker afbetaal het, moet dit vervang word. Saam met die stygende insetkoste was dit net nie die moeite werd nie. Ek het groot planne gehad. Ek wou ’n voerkraal op die plaas bedryf en self die meeste van die kos produseer.”

Dié plan het op ’n dag skielik vir hom belaglik begin raak terwyl hy by die voerkraal staan en uitkyk oor die lande waar die trekkers heen en weer diesel uitgery het.


Afrika-perdesiekte: Veg ons ’n verlore stryd?

Al nege stamme van APS kom in Suid-Afrika voor.

Die Suid-Afrikaanse perdegemeenskap hou jaarliks asem op wanneer die tyd vir Afrika-perdesiekte aanbreek. Dit word as die ernstigste siekte onder perde in die wêreld bestempel, en afgesien van streng inentingsregulasies en ander voorsorgmaatreëls, is dit ’n deurlopende stryd om perde hierteen te beskerm.

Die effek van Afrika-perdesiekte strek ook soveel wyer as net die dood van werks- en sportdiere – die finansiële impak wat uitvoerbeperkings op die perdebedryf as geheel het, is enorm.