In vandag se RSG Landbou vind ons meer uit oor knopvelsiekte, ons kry terugvoer oor ‘n bek-en-klouseer werksessie wat in Desember deur dr Bastiaan Fouché aangebied is en ons ontvang die nuutste vleispryse en weervooruitsigte.
Knopvelsiekte
Knopvelsiekte word deur bytende, vlieënde insekte aan vee oorgedra. Het jy geweet dié virussiekte kom meeste in die laatsomer voor, maar volgens dr Danie Odendaal is gevalle reeds sedert Julie verlede jaar in Noordwes en die Vrystaat aangemeld. Hy praat met ons hieroor.
Bek-en-klouseer werksessie
Ons kry ook terugvoer oor ‘n bek-en-klouseer werksessie wat in Desember deur dr Bastiaan Fouché van die Parys Dierehospitaal, onder die vaandel van die Herkouer Veterinêre Vereniging van Suid-Afrika, aangebied is.
Nuutste vleispryse en weervooruitsigte
Dan is Chris Derksen terug met die week se vleispryse en moet ook nie Johan van den Berg se weergesprek misloop nie.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
