In vandag se RSG Landbou vind ons uit waarom Suid-Afrikaanse olyfolie so duur is, die rol van beeste se vel en Ceres Fruit Growers se internasionale toekenning.
Waarom is Suid-Afrikaanse olyfolie so duur
Waarom is Suid-Afrikaanse olyfolie so duur? ‘n RSG Landbou-luisteraar het onlangs dié vraag gevra en in vanoggend se program verduidelik Wendy Petersen van SA Olive hoe pryse beïnvloed word.
Die rol van beeste se vel
Prof Michiel Scholtz van die Landbounavorsingraad gesels oor die rol wat die bees se vel in die dier se aanpasbaarheid speel. Watter velkleur dink jy is die meeste bestand teen hitte?
Ceres Fruit Growers ontvang ‘n internasionale toekenning
Ceres Fruit Growers het onlangs ‘n internasionale toekenning ontvang. Dié erkenning beklemtoon hierdie appel- en peerpakhuis se toewyding tot voedselveiligheid, gehalte en bedryfsbestendigheid. Ons praat met Joe Hanekom hieroor.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
