In vandag se aflewering van RSG Landbou vind ons meer uit oor predasiebestuur, die Rooivleisbedryfsdienste se betrokkenheid by die Wagyu Wêreldkonferensie, en ons ontvang die nuutste internasionale landbounuus.
Predasiebestuur
Ken ‘n ongedierte om hom te kan bestuur. So sê Johannes Pienaar van die Predasiebestuursforum. Ongediertebestuur bly ‘n probleem op plase en daarom bied dié forum tans kursusse aan om grondeienaars te help om eers die dier te identifiseer, voor verdere stappe geneem word. Ons hoor meer hieroor.
RMIS en die Wagyu Wêreldkonferensie
Rooivleisbedryfsdienste is betrokke by die Wagyu Wêreldkonferensie wat in Oktober in die Wes-Kaap plaasvind, en dr Phillip Oosthuizen vertel wat hulle rol behels en hoe die Wagyu in die rooivleiswaardeketting inskakel.
Internasionale landbounuus
Ons maandelikse internasionale landbounuusbulletin is ook aan die beurt.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
