In vandag se RSG Landbou vind ons meer uit oor lamproewe oor voerdoeltreffendheid, Vlakte Bonsmara se bulveiling, en ons ontvang die nuutste wolmarkverslag.
Lamproewe oor voerdoeltreffendheid
Lamproewe oor voerdoeltreffendheid is onlangs vir die eerste keer in Afrika, op ‘n plaas in die Cradock-omgewing, gedoen. Die eienaar, Andrew Jordaan, gesels op die program oor die resultate, dr Fanie Steyn van Ramsem praat oor die metodologie wat gebruik is en Schalk de Villiers van Datamars Africa, verduidelik watter toerusting vir die proewe gebruik is.
Wolmarkverslag
Heinrich Victor is terug met die nuutste wolmarkverslag.
Vlakte Bonsmara bulveiling
Dan gesels ons ook met Kobus du Toit van Vlakte Bonsmara oor die aanbod van hul veiling wat op 17 Oktober in die Marble Hall-omgewing plaasvind.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
