In vandag se RSG Landbou gesels ons met Deidré Carter van Agri Limpopo oor owerhede en landbou in dié provinsie, Annelize Crosby van Agbiz gesels oor wetgewing wat op die landbou van toepassing is en Johan van den Berg lewer sy laaste weergesprek vir die jaar.
Samewerking tussen boere in Limpopo
Wat landbou in die Limpopo-provinsie uniek maak, is die samewerking tussen kommersiële en nuwe boere. So sê Deidré Carter van Agri Limpopo. En het jy geweet Agri Limpopo het daarin geslaag om die owerhede te kry om in Januarie vanjaar met die herstel van 21 probleempaaie te begin, sónder ‘n beskikbare begroting? Ons hoor wat sy nog oor landbou in dié provinsie te sê het.
Regulering van chemiese middels in die kollig
Dan praat ons met Annelize Crosby van Agbiz oor wetgewing wat ook op die landbou van toepassing is en tans aandag in die parlement geniet. Een hiervan behels die regulering van chemiese middels.
Jongste weersake
Moet ook nie ons laaste weergesprek vir die jaar met Johan van den Berg misloop nie.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
