Estimated reading time: 2 minutes
Die Upington-landbouskou het vanjaar weer ‘n skatkis van verrassings en landbou-aktiwiteite gebied. Besoekers kon deelneem aan ‘n verskeidenheid geleenthede, insluitend ‘n karkaskompetisie, interrasbeoordeling, en ‘n jeugskou.
Die skou het ‘n interrasbeoordeling aangebied, wat meer ‘n interaktiewe bespreking as ‘n formele beoordeling was. Chris Goosen, die beoordelaar, het beklemtoon dat dit ‘n geleentheid vir produsente was om kennis te deel en blootstelling vir hul vee te verkry. Vyftien beeste van vyf verskillende rasse ā Droughtmaster, Brahman, Sussex, Boran en Afrikaner ā het deelgeneem. Die wenners is na ‘n oggend van lewendige gesprekke aangewys: Theuns Engelbrecht se Droughtmaster-bul en Gideon Botha se Boran-vers het die juniortitels ingepalm, terwyl Gert Fourie se Sussex-bul en nog ‘n Droughtmaster van Engelbrecht die seniorkategorieĆ« oorheers het.
Lees meer oor die onlangse Griekwastad-skou hier.
Die karkaskompetisie het groot belangstelling gewek met 99 beeste en 160 skape wat ingeskryf is. Die kompetisie is gekombineer met ‘n voerkraaldag, waar kenners soos dr Coreen Visser en dr Gerhard Neethling praatjies oor onderskeidelik skaapsiektes en vleisveiligheidswetgewing aangebied het.
Dries Rupping het ook sy benadering tot stelselteling en seleksiemetodes gedeel. Na die sessies kon gaste die diere voor die slagproses besigtig. Die slaglamkompetisie se hoogste eer het gegaan aan Hannes Maritz, gevolg deur Essie Maritz. In die slagos-afdeling het Petrus Goussard eerste gekom, met Ellewee van Zyl en Theuns Engelbrecht wat tweede en derde plekke behaal het. Die super-osafdeling is deur Karsten-veeplase gewen, met Kobus Luttig in die tweede plek. ā Koos du Pisanie, Plaas Media
Williston-landbouskou 2024: ān Vertoonvenster van uitnemendheid
Williston het van 22 tot 24 Februarie 2024 die platteland aan die gons gehad met ān verskeidenheid aktiwiteite en uitstallings wat tydens die jaarlikse landbouskou plaasgevind het. Hierdie Noord-Kaapse skou brei jaarliks uit en neem toe in gewildheid. Die hoogtepunte was die slaglamkompetisie, jeugskou en perdeskou.
Lees meer hier:
