In vandag se RSG Landbou vind ons meer uit oor bek-en-klouseer se impak op die veebedryf, die doel van die Overberg Jongooiklub, ons ontvang terugvoer van ‘n Vrystaatse landbou-indaba en ons ontvang die nuutste weervooruitsigte en vleispryse.
Bonsmara SA
Volgens die voorsitter van Bonsmara SA, Nelius Ferreira, het bek-en-klouseer die bedryf ‘n goeie les geleer, maar hy is optimisties oor die pad vorentoe.
Doel van die Overberg Jongooiklub
Christoff Lourens van die Overberg Jongooiklub praat oor die ontstaan en doel van dié klub.
Vrystaat landbou-indaba
Vrystaatse boere het verlede week in Bloemfontein byeengekom vir ‘n landbou-indaba wat deur Vrystaat Landbou gefasiliteer is. Francois Wilken gee terugvoer en tydens die byeenkoms was dit duidelik dat daar heelwat verwarring heers oor die tipe oorplaatjies wat vir beeste gebruik mag word. ‘n Veearts in die Oos-Vrystaat, dr Paul Reynolds, gee duidelikheid.
Nuutste weervooruitsigte en vleispryse
Moet ook nie ons landbou-weergesprek met Johan van den Berg misloop nie. Dan is Chris Derksen terug met die week se vleispryse.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
