Wednesday, February 21, 2024

Skaaphantering tydens die Karoo Winterwolfees gedemonstreer

Estimated reading time: 3 minutes

Skaaphond-demonstrasie – elke hond is uniek

André Lesch van Lesch Working Dogs het tydens die Karoo Winterwolfees ‘n skaaphonddemonstrasie gehou. Hy sê ’n mens moet selektief met skotse skaaphonde/borderkollies en kelpies teël. Daarom is dit ook belangrik om hul stamboom in ag te neem. Byvoorbeeld, ’n geregistreerde hond sal ’n stamboom van ses generasies hê. “Jy kan nie met ’n hond werk wat uit die dorp kom en nog nooit ’n skaap gesien het nie,” sê André.

Lees meer oor die onlangse wolfees.

“Die moeilike deel daarvan wanneer ’n mens ’n klein hondjie met ’n goeie bloedlyn aanskaf, is om sy jaginstink so te ontwikkel dat dit vir jou gaan werk. Hy moet dus verstaan dat dit jou skape is en dat julle ’n span is wat moet saamwerk.” Informele opleiding begin gewoonlik op agt weke wanneer ’n hond sy naam leer en hoe om te reageer op basiese bevele soos om te sit.

Formele opleiding begin gewoonlik tussen tien en 12 maande oud en ook slegs as ’n hond emosioneel volwasse genoeg is en voldoende ontwikkeld is op fisiese vlak om skool toe te kan gaan. “Byvoorbeeld, as ‘n skaap vir ’n hond weghardloop, is dit ’n emosionele hou vir ’n jong hond en kan dit hom knak. Jy moet dus baie sielkundig met hulle te werk gaan.” Hul basiese opleiding neem ongeveer twee tot drie maande, en ten minste nog drie of vier jaar daarna om volwassenheid te bereik en al die bevele mooi in te oefen. Die honde tree gewoonlik op nege- of tienjarige ouderdom af.

Leer meer oor skaapboer Gert Loggenberg hier.

Dit is volgens André belangrik om goed na die honde wat vir jou werk om te sien. “Arbeid is ’n duur uitgawe en ’n geleerde hond kan drie of vier manne se werk vir jou doen. Daarom moet jy mooi na jou honde kyk. Hulle slaap gewoonlik in ’n hok, kry voldoende kos en word ontwurm wanneer dit nodig is.”

Laastens, sê hy dat honde tropdiere met ’n rangorde is, en daarom is dit belangrik dat die persoon wat met hulle werk, dominant moet wees. “Jy moet dominant wees oor hulle. As jy te sag is, gaan hulle vir jou begin dink en vir jou wys wat om te doen.

Kontak André Lesch by 083 260 3459 of andre.lesch.82@gmail.com. Besoek gerus ook die Suid-Afrikaanse Skaaphond Vereniging by www.sasda.za.net.


Skaaphantering maklik soos een, twee, drie

Aksies wat gemaklik met behulp van die iClamp-toestel uitgevoer kan word, sluit in die sponsproses vir sinchronisasie van skape, kunsmatige inseminasie en skandering, mikskeer, tatoeëring of aansit van oorplaatjies, tand- of oogondersoeke, dosering of enting en die weeg van diere. “Dit stel skaapprodusente in staat om met hoë volumes diere te werk sonder die risiko van beserings waar diere soos dragtige ooie vasgehou moet word. Ons moet onthou dat hantering van diere die effektiwiteit van ’n kudde nadelig kan beïnvloed,” het hy gesê. “Die gebruik van ’n iClamp verminder ook diere se stresvlakke.”

Kontak: Corné Serfontein – 084 508 1011.

Corné Serfontein van Lifetrack SA
Corné Serfontein van Lifetrack SA het by wyse ’n demonstrasie vir die toeskouers gewys hoe ’n iClamp kleinvee-hanteringstoestel die rol van hande-arbeid kan vervang om met hoë volumes diere binne ’n gegewe tydstip te werk.

Must read

Protect your livestock from two-host ticks

Estimated reading time: 5 minutes Ticks are small, external parasitic arachnids that belong to the superfamily Ixodoidea. When people or animals are bitten by these parasites they sometimes have to pay a high price,...
Drought

DDG: “Livestock traceability will become law in 2024”

Estimated reading time: 4 minutes “This year, livestock traceability will become law,” said Dipepeneneng Serage, the Department of Agriculture, Land Reform and Rural Development’s (DALRRD) deputy director-general of agricultural production, biosecurity and disaster management....

RSG Landbou: 20 Februarie 2024 – geborg deur Bonsmara SA

Bonsmara SA vier vanjaar hul 60ste bestaansjaar. Louis Steyl gesels oor hul beginjare, die sukses van dié beesras en hul feesviering in Maart. Laurence Allem gesels met ons oor Mielieboere se Bonsmaraveiling van 20 Februarie. Aartappels...

Lammers: Wanneer om wat te spuit

Estimated reading time: 4 minutes Onder normale omstandighede ontvang lammers in die eerste ses uur na geboorte, teenliggaampies van die ooi se biesmelk. Hierdie immuniteit kan langer as drie maande duur, maar lammers moet...

Indiensneming van onwettige immigrante

Estimated reading time: 4 minutes Werkgewers word verwag om buitelanders of immigrante sonder 'n geldige werksdokument te ontslaan maar wat is die regte stappe met afdanking? Werkgewers word ingevolge die Immigrasiewet, 2002 (Wet 13 van...