In vandag se aflewering van RSG Landbou vind ons meer uit oor die Sybokhaarbemagtigingstrust se produksie groei en die invloed van intensiewe stelsels op die welstand van ‘n dier.
Sybokhaarbemagtigingstrust se produksie groei
Die deelnemers aan die Sybokhaarbemagtigingstrust se produksie het die afgelope jaar met meer as twintig persent gegroei. Die sukses van dié trust is tydens die onlangse Sybokhaar SA-kongres op Graaff-Reinet uitgelig en ons het daar met van die deelnemers gesels.
Intensiewe stelsels se invloed op die welstand van lammers
Verbruikers glo dikwels dat intensiewe stelsels die welstand van ‘n dier beïnvloed. ‘n Navorsingsprojek deur Stellenbosch Universiteit is van stapel gestuur om vas te stel of lammers wat op hierdie manier gehuisves word, wel benadeel word. Dr Helet Lambrechts gee terugvoer.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
