Die Suiwelstandaardagentskap (SSA) sal eersdaags vir brusellose in melk kan toets by hul nuwe laboratorium. Deon Gallus is aan die stuur van dié fasiliteit en hy verduidelik in vangoggend se RSG Landbou wat die vereistes van so ‘n laboratorium behels.
Dan gesels Theo Boshoff met ons oor ‘n projek tussen Agbiz, produsente en uitvoerders om bedrywighede by Kaapstad se hawe te verbeter. Hierdie projek het vir groter kapasiteit en veerkragtigheid tydens die vrugte-uitvoerseisoen gesorg.
#RSGLandbou word dié week aan jou gebring deur Plaas Media.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
