In vandag se aflewering van RSG Landbou vind ons uit of Suid-Afrika gereed is vir die volgende voëlgriepuitbreking en Sebadja Bonsmaras se veiling op 7 Augustus.
Is Suid-Afrika gereed vir die volgende voëlgriepuitbreking?
Is Suid-Afrika gereed vir die volgende voëlgriepuitbreking? ‘n Webinaar is onlangs hieroor aangebied waartydens Izaak Breitenbach van die Suid-Afrikaanse Pluimveevereniging een van die paneellede was. Hy gee terugvoer.
Sebadja Bonsmaras hou veiling
‘n Bonsmara-produsent van die Roedtan-omgewing in Limpopo vertel hoe hulle die afgelope jaar se uitdagings in die veebedryf hanteer het. Volgens Johan Boshoff van Sebadja Bonsmaras gee die hoër speenkalfprys hulle weer moed. Hy gesels oor hulle veilingsaanbod van 7 Augustus op die Plaas Smallepad.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
