In vandag se RSG Landbou vertel dr Bobbie van der Westhuizen ons meer oor SA Stamboek se ICAR-sertifisering, ons gesels met die Santam Landbou/LRF Stoetteler van die Jaar, ons vind meer uit oor Au Albidus Brahman se veiling en ons kry die jongste vleispryse en landbouweervooruitsigte.
SA Stamboek ICAR-sertifisering
Die Suid-Afrikaanse Stamboek- en Diereverbeteringsvereniging, SA Stamboek, het geskiedenis gemaak toe dit verlede week die eerste organisasie in Afrika geword het om ICAR-sertifisering vir DNS-data-interpretasie te ontvang. Dr Bobbie van der Westhuizen vertel ons meer.
Santam Landbou/LRF Stoetteler van die Jaar
Die Lewendehawe Registrerende Federasie het tydens hul onlangse jaarlikse Veeskool, vir Koos Kooy van Oggendstond Simmentalers by Mooirivier in KwaZulu-Natal, as die Santam Landbou/LRF Stoetteler van die Jaar aangewys. Ons gesels met hom oor sy sukses.
Au Albidus Brahman hou veiling
Verder praat Willem Barnard van Au Albidus Brahman oor hul veiling wat op 25 Oktober by die Warmbad Veemark plaasvind.
Vleispryse en weer
Dan is daar soos oudergewoonte nuus oor vleispryse en landbouweervooruitsigte.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
