In vandag se aflewering van RSG Landbou vind ons meer uit oor die Anatoliese herdershond-veewagterprojek en hoe plantenergie gemeet word.
Anatoliese herdershond-veewagterprojek
Die Anatoliese herdershond-veewagterprojek is in 2005 deur die Cheetah Outreach Trust begin om mens-en-roofdier konflik op plase te verminder. Hierdie projek plaas dié kenmerkende honde by boere om hulle kleinvee teen roofdiere soos jagluiperds te beskerm. Deon Cilliers vertel ons meer.
Hoe word plantenergie gemeet
En as jy gewonder het hoe plantenergie gemeet word en waarom dit nodig is, kom luister gerus wat At van Schalkwyk van World Focus Agri hieroor sê.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
