Die Wupperthal Oorspronklike Rooibos Primêre Landboukoöperasie is onlangs deur die Wes-Kaapse Departement van Landbou en Rooibos Beperk, as die Beste Volhoubare Rooibosgemeenskap in agri-verwerking, aangewys. Ons gesels met Barend Salomo oor die werk van 77 kleinboere.
Dan was vanjaar se Onderstepoort Voerkraaluitdaging vol skaapstreke. Vyfdejaar veeartsenystudente kon deelneem en ons hoor wat ‘n paar van die spankoördineerders oor dié ervaring te sê gehad het.
Qualitrio Bonsmaras hou 9 Mei ‘n produksieveiling in die Viljoenskroon-omgewing. Paul Maré vertel ons meer van die opkomende veiling.
Luister nou na dié onderhoude.
#RSGLandbou word dié week aan jou gebring deur AECI Plant Health
AECI Plant Health is ‘n gediverdifiseerde groep. Hul produkte en dienste word aan ‘n breë spektrum van kliënte verskaf in die mynbou, waterbehandeling, plant- en dieregesondheid, voedsel en drank, infrastruktuur en lagemene industriële sektore.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
