In vandag se RSG Landbou vind ons meer uit oor klimaatsverandering, veranderinge in die Seta-omgewing en bykomende kraghulpbronne vir uitvoere.
Klimaatsverandering
Die veebedryf word dikwels uitgewys as ’n groot sondaar wat klimaatsverandering betref. Navorsing deur prof James Blignault van die Universiteit Stellenbosch toon egter dat die modelle wat die veebedryf se koolstofvoetspoor en bydrae tot klimaatsverandering bepaal, ernstige gebreke het. Ons gesels met hom hieroor.
Veranderinge in die Seta-omgewing
As jy landbou-opleiding oorweeg, is dit belangrik om kennis te neem van veranderinge in die Seta-omgewing. Agri Skills Transfer se Shaun Welmans verduidelik wat die jongste wysigings behels.
Kraghulpbronne vir uitvoere
Dan was die media onlangs na die Kaapstadse hawe genooi om te sien hoe die privaatsektor en Transnet hande gevat het om bykomende kraghulpbronne vir uitvoere te bewerkstellig. Theo Boshoff van Agbiz daar met ons gesels.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
