In vandag se aflewering van RSG Landbou vind ons meer uit oor Old Mutual Insure se stalletjie by Nampo Kaap, die toekoms van die Suid-Afrikaanse wynbedryf en terugvoer oor TLU SA se onlangse kongres.
Old Mutual Insure by Nampo Kaap
Boerdery is nie ‘n gewone besigheid nie; dis ‘n gespesialiseerde bedryf en soos ‘n boerdery groei en verander, behoort jou versekering ook daarby aan te pas. Old Mutual Insure is vanjaar by Nampo Kaap en Lieza Barnard nooi jou uit om by hulle stalletjie aan te klop om met hulle hieroor te gesels.
Toekoms van die Suid-Afrikaanse wynbedryf
Wanneer ons oor die toekoms van die Suid-Afrikaanse wynbedryf praat, draai die gesprek dikwels om klimaatsverandering, tegnologie, nuwe markte en veranderende verbruikersgedrag. Nie een van hierdie veranderinge vind egter sonder mense plaas nie. SA Wine vertel wat hulle doen om mense en hul vaardighede te ontwikkel.
TLU SA kongres
Ons gesels ook met Bennie van Zyl van TLU SA oor hulle onlangse kongres.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
