In vandag se aflewering van RSG Landbou vind ons meer uit oor dr Phil Bass, een van die sprekers by die Wagyu-wêreldkonferensie, Rhenostervallei en Beef on Grass se produksieveiling en ons ontvang die nuutste weervooruitsigte en vleispryse.
Dr Phil Bass by die Wagyu-wêreldkonferensie
‘n Medeprofessor in Vleiskunde aan die Universiteit van Idaho in Amerika, dr Phil Bass, is een van die sprekers by die Wagyu-wêreldkonferensie wat in Oktober in die Wes-Kaap plaasvind. Hy is bekend vir sy kennis van karkasse, waardetoegevoegde snitte en spierprofilering. Ons hoor in more-oggend se program waarna konferensiegangers kan uitsien.
Rhenostervallei en Beef on Grass hou veiling
Hendrik Meyer praat oor Rhenostervallei en Beef on Grass se produksieveiling van 12 September by die Warmbad Veemark.
Nuutste weervooruitsigte en vleispryse
Dan is Chris Derksen terug met nuus oor vleispryse en Johan van den Berg is op sy pos met ons weervooruitsigte.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
