Naspeurbaarheid in die lewendehawebedryf is vir die veeprodusent en verbruiker belangrik. Die data wat oorplaatjies bevat, dra by tot die sukses van naspeurbaarheid, maar produsente het vrae oor die aankoop en gebruik van oorplaatjies. Ons vra vir Rachelle Cloete van GMP Basic and Leader Products SA om ‘n paar van dié vrae te beantwoord.
Die Santa Gertrudis-beestelersgenootskap vier vanjaar hul 50ste bestaansjaar en Yolanda Venter gesels oor dié ras se oorsprong en wat hul vir die verjaarsdag beplan.
Die boer is Suid-Afrika se beste bate. Dit was die woorde van Bennie van Zyl van TLU SA tydens die Sakeliga KragDag op Malmesbury. Ons gesels met hom hieroor.
Luister nou na dié onderhoude.
#RSGLandbou word dié week aan jou gebring deur GMP Basic en Leader Products SA
GMP Basic is daar om ander maatskappye te optimaliseer en te help floreer deur hulle toe te laat om op hul hoof doel te fokus! Hul kundigheid is op diere- en vee-identifikasie, bestuur en naspeurbaarheid met al sy aspekte en hul hoogs doeltreffende span werk met die beste praktyke en moderne oplossings.
Deur die ervaring van Leader Products en die Suid-Afrikaanse kennis van GMP Traceability Management Software te kombineer, het die twee maatskappye kragte saamgesit om die vee-identifikasiebedryf te revolusioneer deur betroubare en innoverende oplossings vir die identifisering van jou vee te verskaf. Hulle verstaan die enigste manier om te innoveer, is om anders te dink. Dit is hoekom hulle aangaan om nuwe produkte bekend te stel en ons wêreldwye lasermerkfasiliteite en e-handelsplatform in te stel. Albei maatskappye is verbind om naspeurbaarheid, volhoubaarheid en bestuursopsies vir alle spesies vee regdeur Suid-Afrika te ondersteun.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
