In vandag se RSG Landbou gesels ons met Hansie Viljoen, ‘n finalis in die Graanprodusent van die Jaar-kompetisie, dr Schabort Froneman gee riglyne vir die hantering van entstowwe, en ons ontvang die nuutste vleispryse en weervooruitsigte.
Hansie Viljoen Graanprodusent van die Jaar-finalis
Hansie Viljoen van Leeudoringstad is vanjaar ‘n finalis in die Graan SA Graanprodusent van die Jaar-kompetisie. Ons gesels met hom oor hul boerdery wat bestaan uit mielies, sojabone, aartappels en koring asook beeste.
Riglyne vir die hantering van entstowwe
Entstowwe is belangrik vir kuddebestuur en daar moet veral op die hantering daarvan gelet word. Dr Schabort Froneman van Zoetis het tydens die LRF se Veeskool riglyne in hierdie verband verskaf. Ons het hom hieroor uitgevra.
Nuutste vleispryse en weervooruitsigte
Chris Derksen is terug met die week se vleispryse en Johan van den Berg praat oor weervooruitsigte.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
