In vandag se RSG Landbou gesels ons oor handelsooreenkomste met Wolfe Braude van Agbiz en dr Ben Greyling van die Landbounavorsingsraad bespreek die wenners van die LNR se Vleisbeespresteerderstoekennings.
Handel
Weet jy wat beteken ‘n formele handelsooreenkoms vir ‘n land soos Suid-Afrika? En het jy geweet dat alhoewel China hul deure vir Suid-Afrikaanse steenvrugte oopgemaak het, dit eintlik slegs ‘n protokol is. Ons het vir Wolfe Braude van Agbiz se vrugtelessenaar hieroor uitgevra.
Vleisbeespresteerderstoekennings
Moet ook nie ons gesprek met dr Ben Greyling van die Landbounavorsingsraad misloop nie. Die LNR het in November hul Vleisbeespresteerderstoekennings gehad en hy praat oor vanjaar se wenners en waarom hulle uitgestaan het.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
