In vandag se RSG Landbou gesels ons met Kobus Bester oor die nuut gestigte Stoettelersfederasie en ons ontvang die nuutste vleispryse en weervooruitsigte.
Nuut gestigte Stoettelersfederasie
Twee belangrike rolspelers in die rooivleisbedryf, SA Stamboek en die Lewendehawe Registrerende Federasie, het onlangs die Stoettelersfederasie op die been gebring. Kobus Bester is as voorsitter verkies en hy brei uit oor hul primêre mandaat, naamlik om die belange van stoettelers en produsente wat van geregistreerde diere en/of genetika gebruik maak, te beskerm.
Nuutste vleispryse en weervooruitsigte
Oudergewoonte is Chris Derksen terug met die week se vleispryse en moet ook nie ons gesprek met Johan van den Berg misloop nie. Hy praat oor landbou-weervooruitsigte.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
