In vanoggend se RSG Landbou is daar gesprekke oor sojabone, skoue en sampioene.
Brasilië gee toon aan met sojabone
Brasilië is tans die wêreldleier in sojaboonproduksie. Dr Leonardo Diniz was een van die sprekers by die onlangse sojaboon-simposium en RSG Landbou het daar met hom gesels.
BKB trots betrokke by twee skoue
Pierre Vlok van BKB praat oor hulle teenwoordigheid by twee skoue in September – die Swartlandskou asook NAMPO Kaap.
Navorsing oor wit knopiesampioene
Ons vind ook meer uit oor navorsing wat produsente help om nuwe maniere te vind om wit knopiesampioene volhoubaar te kweek. Ons praat onder meer met prof Lise Korsten van die Universiteit van Pretoria se Plantpatologie-navorsingsgroep.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
