Ons gesels met een van die finaliste in die Veeplaas Klimaatslim Ambassadeur-kompetisie, vind meer uit oor die oorsake van aborsies onder vee en die opkomende Selected Star Savanna-veiling wat binnekort plaasvind.
Dit is weer Klimaatslim tyd
Twee finaliste ding mee om die titel as die 2025 Veeplaas Klimaatslim Ambassadeur. In vanoggend se RSG Landbou gesels Willie Storm van die Olifantshoek-omgewing oor die klimaatslim boerderypraktyke wat hy toepas.
Vee en Veilings
Dr Danie Odendaal van Veearts Netwerk bespreek die oorsake van aborsies onder vee en dan is Anton Barnard ook aan die woord oor die Selected Star Savanna-veiling van 14 Junie by Polokwane. Â
RSG Landbou word dié week aan jou gebring deur Plaas Media.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
