In vandag se RSG Landbou vind ons meer uit oor die gemmerbedryf, die Nasionale Wolkwekersvereniging se 100ste bestaansjaar en ons ontvang die nuuste wolmarkverslag.
Gemmerbedryf
Niks klop die geur van lekker gemmerstukke nie. En het jy geweet hierdie klein knol het boonop hope gesondheidsvoordele? Joachim Prinsloo, ‘n gemmerboer van Kiepersol in Mpumalanga, bring ons op hoogte van wat in die gemmerbedryf aangaan.
Nasionale Wolkwekersvereniging 100ste bestaansjaar
Die Nasionale Wolkwekersvereniging vier vanjaar sy 100ste bestaansjaar. Dan Kriek, die organisasie se hoofbestuurder, vertel ons meer oor hulle geskiedenis en toekomsplanne, in hierdie eerste van ‘n reeks gesprekke.
Nuutste wolmarkverslag
Heinrich Victor verskaf ook die jongste wolmarkverslag.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
