In vandag se RSG Landbou kry ons terugvoer oor South Africa Wine se wynberaad, daar is meer oor die waarde van blomme op die Weskus vir veeprodusente en ons ontvang die nuutste wolmarkverslag.
SA Wine wynberaad terugvoer
In vanoggend se RSG Landbou kuier ons verder by vanjaar se South Africa Wine wynberaad wat in Stellenbosch gehou is. Christoph Thomet, ‘n wynbemarker van Switserland, vertel van die wyne wat hulle produseer en deel sy indrukke oor Suid-Afrikaanse wyne en veral wyntoerisme. Yolandi Botha van Vinpro praat oor haar rol as ekonoom by dié produsente-organisasie.
Wolmarkverslag
Heinrich Victor is terug met die nuutste wolpryse.
Waarde van blomme op die Weskus
En het jy geweet die blomme op die Weskus wat jaarliks duisende toeriste trek, is ook vir veeprodusente van groot waarde? Dis een van die onderwerpe wat tydens vanjaar se Weidingsvereniging-kongres in Julie bespreek sal word. Nelmarié Saayman van die Wes-Kaapse Departement van Landbou gesels verder oor haar navorsing.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
