Die LRF Veeskool vind weer in Oktober plaas en vanjaar is die fokus op die veerkragtigheid van die veeboer. Johan Styger verskaf meer besonderhede.
Ons praat ook met Arno du Plessis, hoof van produk- en handelsmerkondersteuning by CaseIH, oor die belangrikheid van na-verkope diens en die voordele van hulle Connected Services.
Chemunique bied op 17 April ‘n Melkkoei-langlewendheidskongres in die Wes-Kaap aan en ons hoor by dr Mariaan Viljoen waarom Suid-Afrikaanse koeie minder as hul potensiaal produseer.
Verder is Johan van den Berg terug met nuus oor die weer en Chris Derksen met die week se vleispryse.
Luister nou na dié onderhoude.
#RSGLandbou word dié week aan jou gebring deur GMP Basic en Leader Products SA
GMP Basic is daar om ander maatskappye te optimaliseer en te help floreer deur hulle toe te laat om op hul hoof doel te fokus! Hul kundigheid is op diere- en vee-identifikasie, bestuur en naspeurbaarheid met al sy aspekte en hul hoogs doeltreffende span werk met die beste praktyke en moderne oplossings.
Deur die ervaring van Leader Products en die Suid-Afrikaanse kennis van GMP Traceability Management Software te kombineer, het die twee maatskappye kragte saamgesit om die vee-identifikasiebedryf te revolusioneer deur betroubare en innoverende oplossings vir die identifisering van jou vee te verskaf. Hulle verstaan die enigste manier om te innoveer, is om anders te dink. Dit is hoekom hulle aangaan om nuwe produkte bekend te stel en ons wêreldwye lasermerkfasiliteite en e-handelsplatform in te stel. Albei maatskappye is verbind om naspeurbaarheid, volhoubaarheid en bestuursopsies vir alle spesies vee regdeur Suid-Afrika te ondersteun.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
