Estimated reading time: 2 minutes
In 22 Mei se aflewering van RSG Landbou kan jy uitsien na verskeie gesprekke wat by NAMPO Oesdag plaasgevind het, plattelandse infrastruktuurontwikkeling, vleispryse en weersake.
NAMPO onder die vergrootglas
Vanjaar se NAMPO Oesdag het weereens duisende besoekers gelok. Dr Dirk Strydom van Graan SA gee terugvoer, ons gesels met NG Kerk Derby oor hul betrokkenheid, ons hoor wie het geseëvier by dié skou se interraskampioenskap en ons luister na wat ‘n paar besoekers te sê gehad het.
Plattelandse infrastruktuurontwikkeling het onder die loep gekom tydens ‘n Nasie in Gesprek-paneelbespreking wat by NAMPO plaasgevind het. Theo Boshoff van Agbiz verskaf meer inligting hieroor.
Vleispryse en weersake
Verder is Chris Derksen terug met die week se vleispryse en Johan van den Berg gesels oor landbouweervooruitsigte.
RSG Landbou word dié week aan jou gebring deur Plaas Media.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
