In vandag se RSG Landbou gesels ons met Andries Gouws oor sy 51 jaar as landbouskrywer en ons gesels met Agri SA oor die Suid-Afrikaanse landboubedryf.
51 Jaar as landbouskrywer
In vanoggend se RSG Landbou gesels ons met die 84-jarige Andries Gouws oor sy 64 jaar lange loopbaan as joernalis, waarvan hy 51 jaar as landbouskrywer spandeer het. Hy sê vir hom was joernalistiek nie ‘n werk nie, maar ‘n lewenswyse. Kom luister saam na ‘n paar staaltjies en hoogtepunte wat hy met ons deel.
Suid-Afrikaanse landbou
Die Harrismith distriksboere-unie het onlangs hul jaar afgesluit met ‘n byeenkoms van boere uit die omgewing en verskeie sprekers. Johann Kotzé van Agri SA was ook daar en hy gee terugvoer oor die geleentheid, sy onlangse besoeke aan China en die VSA, en hoe ons boere met hulle s’n vergelyk.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
