In vandag se aflewering van RSG Landbou is daar meer oor suiwelregulasies en plantgesondheid se rol by kuilvoeropbrengs.
Suiwelregulasies
Die Suid-Afrikaanse suiwelbedryf berei tans voor vir ‘n regulatoriese oorgang. Aspekte soos produkklassifikasie en etikettering word hervorm. ‘n Voorbeeld hiervan is die vetklassifikasie van vla wat aangedui moet word. Anneke van Niekerk van Melk SA verduidelik wat die produsent, verwerker en verbruiker kan verwag.
Plantgesondheid
Plantgesondheid is ‘n sleutelfaktor by kuilvoeropbrengs. So sê HW Beeken van Pioneer Saad. Hy praat veral oor laat-seisoen plantgesondheid en hoe dit onder andere styselproduksie beïnvloed.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
