In vandag se RSG Landbou vind ons meer uit oor die onthoorning van kalwers, veediefstal in die Potchefstroom-distrik en ons ontvang die nuutste weervooruitsigte en vleispryse.
Onthoorning van kalwers
Die onthoorning van kalwers is ‘n algemene bestuurspraktyk in die vleisbeesbedryf, maar waarom word dit gedoen, en is dit werklik nodig? Dr Rulien Erasmus van die Landbounavorsingsraad beantwoord ‘n paar vrae oor hierdie onderwerp.
Veediefstal in die Potchefstroom-distrik
Voorvalle van veediefstal neem toe in die Potchefstroom-distrik en beeste se hakskene word soms deur veediewe afgekap. Dit is nie ‘n onbekende diefstaltegniek nie, maar dit bly ‘n grusame gebruik wat boere moedeloos maak. Murray Deacon van die plaaslike boerevereniging sê buiten die toename van veediefstalvoorvalle, is daar ook suksesverhale ten opsigte van misdaad in die gebied. Hy vertel ons meer.
Nuutste weervooruitsigte en vleispryse
Moet ook nie ons weergesprek met Johan van den Berg misloop nie. Dan is Chris Derksen terug met die week se vleispryse.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
