In vandag se aflewering van RSG Landbou vind ons meer uit oor die wêreldwolbedryf, die 2026 LRF Veeskool, AG Bonsmara se produksieveiling en ons ontvang die jongste landbounuus.
Wêreldwolbedryf
Het jy geweet 1952 was ‘n hoogtepunt vir die wêreldwolbedryf as gevolg van die Koreaanse oorlog. Ons het tydens die viering van Nasionale Wolkwekersvereniging se jaarkongres met Izak Staats van BKB hieroor gesels.
2026 LRF Veeskool
Die vleisbeesbedryf funksioneer in ‘n dinamiese omgewing. Markdruk, veesiekterisiko’s en veranderende verbruikersverwagtinge is van die faktore wat ‘n impak op dié bedryf het. Vanjaar se LRF Veeskool fokus hierop en Izaan du Plooy van die Lewendehawe Registrerende Federasie vertel meer.
AG Bonsmara hou veiling
Verder praat Arthur de Villiers van AG Bonsmara oor hul 34ste produksieveiling wat op 10 September in die Vrede-omgewing plaasvind.
Jongste landbounuus
Moet ook nie ons weeklikse landbounuus misloop nie.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
