Estimated reading time: 4 minutes
Die grootste nadeel vir ’n jong tannie met ’n kar in ’n familie vol tieners, is die hoeveelheid versoeke vir bestuurslesse. Mbali, ons kantoordame op die plaas (en wie ons altyd daaraan herinner dat sy ’n regte egte Zoeloe-prinses is), is dié tannie. Sy het voortdurend ’n lang tou leerlingbestuurders wat tyd agter die stuur van haar verouderende Avanza spandeer.
“Ek moet my naam na Patience verander,” grom sy na ‘n onlangse bestuursles. “Hoekom kan tieners nie teen ’n opdraande wegtrek nie?”
“Jy is ’n engel om hulle te help,” sê ek vir Mbali wat besig is om die dag se fakture uit te sorteer.
“Hoe kan ’n blikkie olie vir die plaasbakkie soveel kos?” gil sy terwyl sy die faktuur vir Gert, die plaaswerktuigkundige wat onsuksesvol agter die kookwaterkan probeer wegkruip het, waai.
“Ai, dit is sintetiese transmissie-olie en dit is eintlik ’n goeie prys. Ek het die ekwivalent by Toyota gekry. Jy moes sien wat die ander ouens se prys was,” verdedig Gert homself.
Mbali bly ‘n rukkie stil. “Dink jy hierdie leerlingbestuurders kan my Avanza se koppelaar beskadig?” vra sy vir Gert.
“Solank hulle nie jou kar behandel soos die personeel die bakkie behandel nie – die koppelaar behoort dit te kan hanteer. Maar hoekom los jy dit nie vir die instrukteur en konsentreer net op die basiese bestuurservaring nie?” vra hy.
Minder petrol vir ’n langer rit
“Om ver te ry sal te veel petrol met my handrat beteken,” sê Mbali. “Dit is juis hoekom ek nie die outomatiese weergawe gekry het nie. My oupa sê altyd sy handrat-Cressida is baie ligter op brandstof as sy broer se outomatiese weergawe.”
Gert lag. “Nee wat, ’n nuwe CVT net so brandstofdoeltreffend, indien nie beter nie, as ’n handrat.”
“Herinner my weer wat ’n CVT is?” vra Mbali.
“Dit is ’n ou manier om krag van die enjin na die wiele te stuur, maar jou soveel ratte te gee as wat jy nodig het,” sê Gert.
“Daardie verduideliking is so duidelik soos modder,” sê ek vir Mbali en verduidelik. “Jy kan twee tipes outomatiese karre koop. Jou oupa se Cressida gebruik ’n winkragomskakelaar met ‘n beperkte hoeveelheid ratte en is beslis swaarder op brandstof. Moderne winkragomskakelaars, soos die een wat ons in die nuwe Hino gebruik, bied gewoonlik ses ratte en sluk minder brandstof. Hulle is ongelukkig steeds swaarder op brandstof as ’n handrat. Dis waarom alle motorvervaardigers nou gebruik maak van voortdurende veranderlike transmissies – of CVT.”
“Maar jy moet weet dat almal nie so betroubaar is soos die Aisin CVT wat in my vrou se 2015 Corolla is nie,” tree Gert tussenbeide. “Terwyl hulle hou, handhaaf ’n CVT die enjin in die beste kragband.”
Onderskei ’n DSG van ’n AMT
“Google vertel my dat daar ook ’n DSG- en AMT-transmissie is,” sê Mbali.
“Daardie is handrattransmissies wat rekenaars en baie ekstra onderdele gebruik om ratte te verwissel,” sê ek.
“En die DSG, of direkte skakelratkas, is ’n dubbelkoppelaarstelsel wat vir seuntjie-renjaers gemaak is wat daarvan hou om motorwerktuigkundiges ryk te maak,” voeg Gert by. “Die AMT, of geoutomatiseerde handratskakeltransmissie, is baie beter. Hulle is goedkoop en lig omrede dit handrat is, maar met al die voordele van outomaties in die verkeer.”
Vind uit hoe Toyota oor die jare heen verander het.
Mbali beloer ons met ’n geligte wenkbrou. “Ek spaar 6% petrol deur net my toere laag te hou, soos ons ons trokdrywers leer. Buitendien lees ek dat motordiewe in Amerika nie meer handratte kan bestuur nie en dus handratkarre uitlos. As ons tsotsis nou hierdie Amerikaanse tendens leer volg soos hulle met al die ander goed doen, maak dit van my handrat ’n sekuriteitskenmerk.
“So, as my leerlingbestuurders nie my ou handrat beskadig nie, sal ek maar aanhou om hom te bestuur,” sê sy.
