Hierdie week het Plaas TV weereens vir interessante kykstof gesorg en vandag is #kykweervrydag. Hier is ’n opsomming van dié week se episodes:

• Suid-Kapenaars kan vanjaar uitsien na die 193ste Swellendam Skou. Suzaan Smit vertel ons nou wat hierdie skou so uniek maak.

• Naspeurbaarheid in die rooivleisbedryf is ‘n toenemende werklikheid en die Rooivleisbedryfsdiens (RMIS) het onlangs ‘n dokument gepubliseer wat verduidelik waar die proses in dié verband tans staan. Dr Frikkie Maré en Dewald Olivier gee nou perspektief.

• Die Nasionale Boranvers Extravaganza het onlangs in Parys plaasgevind en was weereens ‘n hoogtepunt op dié genootskap se jaarkalender. Plaas TV het ook hierdie suksesvolle veiling bygewoon, en hier met rolspelers gesels.

• Bertus van Heerden, ekonoom van die Melkprodusente-organisasie sluit vandag by ons aan om te gesels oor ‘n verslag wat inligting oor die vertoning in die suiwelbedryf verskaf, met ‘n spesifieke fokus op die vierdie kwartaal van 2024.

• Dit is amper weer tyd vir die Langspruit Boerevereniging se beesdag en Plaas Media is vanjaar die trotse mediaborg van hierdie inligtingsdag. Francois Scholtz vertel ons nou waarna besoekers kan uitsien.

• Die landswye siekterapporteringstelsel word deur Veearts Netwerk bedryf in samewerking met die Herkouer Veterinêre Vereniging van Suid-Afrika (RuVASA) en Rooivleisbedryfsdienste (RMIS). Hierdie rapportering word hoofsaaklik gedoen deur privaatveeartse wat in die veebedryf werk, en maandeliks die siektes rapporteer wat hulle op plaasvlak teëkom. Dr Danie Odendaal brei nou hieroor uit.

• Santam Agriculture have been nominated by the International Association of Agricultural Production Insurers (AIAG) to host the 2025 Loss Adjusters’ Seminar in Cape Town. This will be a three-day event, from 24 to 27 February, assessing the impact of hail on plums and apples. Daniel Stevens now elaborates on this.

• Die Victoria-Wes-skou het verlede jaar klein begin, maar danksy die harde werk van ’n baie gewillige skoukomitee, het die skou vanjaar aansienlik gegroei. Plaas Media se Koos du Pisanie het hier met ‘n paar rolspelers gesels.