Suiwelprodusente kan nou inskryf vir die 191ste SA Suiwelkampioenskappe

Estimated reading time: 3 minutes

Inskrywings is nou oop vir die grootste, oudste en gewildste suiwelgebeurtenis in die land. Die Suid-Afrikaanse Suiwelkampioenskappe word vanjaar vir die 191ste keer aangebied.

Die kampioenskappe, wat sedert 1834 deur Agri-Expo aangebied word, lok jaarliks sowat 900 inskrywings van groot, medium en klein suiwelvervaardigers. Produkte ding mee om die titels van Suid-Afrikaanse Kampioen, die Qualité-merk van Uitnemendheid en die uiteindelike Produk van die Jaar, wat aangewys word tydens die prestigeryke toekennings.

Lees meer oor SA Stamboek se verering van top suiwelkuddes.

Die SA Suiwelkampioenskappe bestaan uit meer as 100 klasse vir kaas, jogurt, melk, room, roomys, botter en ander suiwelprodukte. ’n Wenproduk word in elke klas met die titel van Suid-Afrikaanse Kampioen bekroon. Die Qualité-merk van Uitnemendheid, wat deur die Suid-Afrikaanse suiwelbedryf as sy enigste merk van uitnemendheid erken word, word slegs toegeken aan uitgesoekte produkte van uitsonderlike gehalte wat ’n spesifieke minimum punt op die internasionale telkaart behaal het. Die produk wat die hoogste punt behaal, word as Produk van die Jaar bekroon.

Kyk saam na Plaas TV se insetsel oor die suiwelbedryf.

Volgens Breyton Milford, hoofbestuurder van Agri-Expo, is die doel van die SA Suiwelkampioenskappe om uitnemendheid in die suiwelbedryf te erken en te bevorder. “Hierdie kampioenskappe het die maatstaf geword vir vervaardigers om hulself teen mekaar te meet,” sê Milford. “Ons is bevoorreg om die suiwelbedryf deur middel van hierdie platform te dien. Dit word moontlik gemaak deur die samerwerking van ons platinumvennote IMCD en DSM, asook ander vennote.”

  • Inskrywings open op Maandag 15 Januarie 2024 op die webwerf: https://cheesesa.co.za/.
  • Die sluitingsdatum vir inskrywings is Maandag 5 Februarie 2024.
  • Die beoordeling vind op Donderdag 7 en Vrydag 8 Maart 2024 by Eensgezind buite Durbanville plaas.
  • Die SA Suiweltoekennings word op Donderdag 25 April 2024, ook by Eensgezind, aangebied.

Vir meer inligting, besoek https://cheesesa.co.za/, skakel 021 863 1599 / 083 440 1628, of stuur ’n e-pos aan dairy@agriexpo.co.za. – Persverklaring, Agri-Expo

Must read

The Semonkong Hospital Trust veterinary outreach programme

Estimated reading time: 5 minutes The Semonkong Hospital Trust is a faith-based, interdenominational organisation that has been hosting an annual week-long veterinary outreach in Semonkong, Lesotho, since 2006. During this week, veterinary surgeons and...
Royal Skou

Kongresse, kompetisies en skoue – Kom kyk Plaas TV

Estimated reading time: 3 minutes Hierdie week het Plaas TV weereens vir interessante kykstof gesorg en vandag is #kykweervrydag. Hier is ’n opsomming van dié week se episodes: The 2024 Royal Agricultural Exhibition, held at the Royal...
Ten spyte van die moeilike ekonomiese klimaat het kopers vanoor die hele land die veiling bygewoon.

Syferfontein Bonsmaras hou suksesvolle veiling

Estimated reading time: 3 minutes Die bekende Bonsmarastoet by Vrede, Syferfontein Bonsmaras van Nico Pieterse, se 25ste produksieveiling is gekenmerk deur ’n prysvariasie wat dit vir alle kopers moontlik gemaak het om goeie bulle...

Weeklikse rooivleispryse / Weekly meat prices

Estimated reading time: 5 minutes Plaashekpryse/Farm gate prices Die jongste vleispryse word weekliks aan u gebring deur Absa en die RPO. Neem kennis dat hierdie nie kleinhandelpryse is nie, maar wel plaashekpryse wat BTW uitsluit. Get...

Weeklikse weer met Johan van den Berg

Estimated reading time: 4 minutes Johan van den Berg is weer terug op sy pos met sy weeklikse weersake-gesprek met Lise Roberts op RSG Landbou. Soos ons nou winter betree, sit produsente in die...