Sierduiwe pronk in Bloemfontein

Estimated reading time: 2 minutes

Die 74ste nasionale sierduifskou is onlangs by die Bloemfontein-skougronde aangebied. Altesaam 1 347 duiwe is deur 72 vertoners uit die tien deelnemende streke in Suid-Afrika ingeskryf.

In die senior-afdeling is 74 duifrasse verteenwoordig, met 14 rasse wat in die junior-afdeling meegeding het. Beoordeling geskied per ras, waarna die raswenners teen mekaar meeding vir die top sewe posisies in die senior- en junior-afdelings. Die opperstekampioen en reserwekampioen is uiteindelik uit die top sewe aangewys.

Vanjaar se seniorkampioenwenner was Phillip Lee van Hartebeespoortdam met ‘n Mookee, terwyl die juniorkampioen ‘n King is wat deur Jaco Marais van Kroonstad vertoon is.

Voorbereiding en beoordeling

Volgens Shaun Smeda, president van die streek Noord van die Vaal, was dit hulle beurt om vanjaar die nasionale skou aan te bied. Hulle het besluit om dit in Bloemfontein te hou om dit meer toeganklik vir vertoners van regoor die land te maak. Smeda het sy dank uitgespreek teenoor Bloemfontein se hoendertelers wat hul hokke beskikbaar gestel het vir die duiwe.

Beoordeling, sê hy, begin binne die verskillende rasse, waar wenners dan aangewys word. Al die wenners word dan gepunt op grond van die betrokke rasstandaard, en die sewe kandidate met die hoogste punte dring deur na die finale beoordeling waaruit ‘n kampioen in die senior- en junior-afdelings aangewys word. Die hoofbeoordelaar vanjaar was Christo Munnik van Carletonville.

Voorbereiding vir so ‘n skou, verduidelik Shaun, behels uit die aard van die saak eerstens die uitdaging om ‘n duif te teel wat so na as moontlik aan die rasstandaarde is. Dan speel voeding, afrigting en fisiese afronding ook ‘n uiters belangrike rol.

Vind meer oor die Suid-Afrikaanse volstruisbedryf uit hier.

Die vereniging

Sierduiwe kan in verskillende klasse ingedeel word, onder andere waaiersterte, kortbekduiwe, rollers, pronkduiwe, blaasduiwe, veervoete en werksduiwe. Elke klas bestaan uit verskillende rasse.

Die Sierduifvereniging bestaan uit verskillende streke in die land. Daar is die Noord van die Vaal-streek wat Gauteng en Limpopo insluit, dan die Oos-streek in Mpumalanga, die Noord-Vrystaat wat rondom Kroonstad gesentreer is, die Vrystaatstreek, die Oostelike Provinsie, die Wes-Kaap, Suidwestelike Distrikte (SWD), KwaZulu-Natal, Noord-Kaap en Wes-Transvaal.

Vir meer inligting, skakel Shaun Smeda op 072 190 0345. – Izak Hofmeyr, Plaas Media

Must read

The Semonkong Hospital Trust veterinary outreach programme

Estimated reading time: 5 minutes The Semonkong Hospital Trust is a faith-based, interdenominational organisation that has been hosting an annual week-long veterinary outreach in Semonkong, Lesotho, since 2006. During this week, veterinary surgeons and...
Royal Skou

Kongresse, kompetisies en skoue – Kom kyk Plaas TV

Estimated reading time: 3 minutes Hierdie week het Plaas TV weereens vir interessante kykstof gesorg en vandag is #kykweervrydag. Hier is ’n opsomming van dié week se episodes: The 2024 Royal Agricultural Exhibition, held at the Royal...
Ten spyte van die moeilike ekonomiese klimaat het kopers vanoor die hele land die veiling bygewoon.

Syferfontein Bonsmaras hou suksesvolle veiling

Estimated reading time: 3 minutes Die bekende Bonsmarastoet by Vrede, Syferfontein Bonsmaras van Nico Pieterse, se 25ste produksieveiling is gekenmerk deur ’n prysvariasie wat dit vir alle kopers moontlik gemaak het om goeie bulle...

Weeklikse rooivleispryse / Weekly meat prices

Estimated reading time: 5 minutes Plaashekpryse/Farm gate prices Die jongste vleispryse word weekliks aan u gebring deur Absa en die RPO. Neem kennis dat hierdie nie kleinhandelpryse is nie, maar wel plaashekpryse wat BTW uitsluit. Get...

Weeklikse weer met Johan van den Berg

Estimated reading time: 4 minutes Johan van den Berg is weer terug op sy pos met sy weeklikse weersake-gesprek met Lise Roberts op RSG Landbou. Soos ons nou winter betree, sit produsente in die...