Estimated reading time: 4 minutes
Die SA Stamboek Nasionale Elite Prystoekennings het op 28 April 2025 by Monte Bello Landgoed in Bloemfontein plaasgevind. Hierdie glansgeleentheid gee erkenning aan die beste van die beste telers, stoetkuddes en stoetdiere. Die toekennings is deur die gesogte Vleissentraal/SA Stamboek Nasionale Elite 2025 Bulgroeitoetsklas by Bloemskou voorafgegaan.
Die Stamboek Nasionale Elite 2025 ontwikkelende stoetteler-toekenning is aan Stephen Mkwanazi van Mkwanazi Bonsmara, ’n Bonsmarateler naby Sentrum in Thabazimbi, toegeken. Mkwanazi het in 2014 sy eerste bees in ‘n kommunale gebied naby Brits grootgemaak.
Jan Boshoff en Barry Hertzog van Boshoff Bonsmaras, geleë in die Delmas/Leandra-distrik van Mpumalanga, het die SA Stamboek/Farmer’s Weekly Nasionale Elite 2025 Mentorteler van die Jaar-toekenning ontvang. Hulle is geloof as ’n uitstekende voorbeeld van ’n stoetteler wat nuwe veeprodusente aktief bystaan om suksesvol te wees. Hulle aktiewe betrokkenheid en deel van kennis en vaardighede met nuwe toetreders is legendaries in die provinsie.
Die 2025 SA Stamboek-presidentstoekenning is aan prof Almero de Lange toegeken vir ontbaatsugtige toewyding, integriteit en lojaliteit.
Die toekenning vir die beste jaarverslag het aan die Boran-beestelersgenootskap van Suid-Afrika gegaan.
Kuddes en stoetkuddes vereer
Die toekenning vir die SA Stamboek/Vleissentraal Nasionale Elite 2025 stoetkudde van die jaar (vleisbeeste) is aan Hendrik Meyer van Rhenostervallei Beefmasters gemaak. Die Angus-kudde van Fredericksburg Landgoed was tweede en die Rouvus Drakensbergerstoet van Gawie en Frik Roux derde.
Collett Farming Meatmasters het weggestap met die SA Stamboek/Vleissentraal Nasionale Elite 2025 stoetkudde van die jaar-toekenning vir kleinvee (vleis en dubbeldoel), met HG Human Dorpers in die tweede plek en JJ Human Dorpers derde.
Die wenner van die SA Stamboek Nasionale Elite 2025 kudde van die jaar vir kleinvee (wol) is DG Hanekom (Merino). JA de Villiers (Merino) was tweede met Korhaansrug Merino van JN Kotze derde.
Die SA Stamboek/Telwiedre Voere Nasionale Elite 2025 kudde van die jaar (suiwel)-toekenning het gegaan aan AJ, JA en PJ Schoonwinkel van Kluitjieskraal Jersey in die Wes-Kaap. In die tweede plek was Joubert en AJ Fourie van Limpopo Melkery, en derde was Jan Grey van Janvos Landgoed.
Die Rooigras Boerperdstoet van Jan Joubert is die wenner van die SA Stamboek/Standard Bank Nasionale Elite 2025 stoet van die jaar (perde)-toekenning, en Rolan Dercksen van Colos Boerboels het die SA Stamboek Nasionale Elite 2025 stoet van die jaar-kategroei vir honde gewen. – Persverklaring, SA Stamboek
Platinum vleisbeeskoei-toekennings.
