SA boere woeker in die Verenigde Arabiese Emirate

Estimated reading time: 2 minutes

Tans is Suid-Afrikaners besig om R14 miljoen se Suid-Afrikaanse landboumasjinerie op te stel in die Verenigde Arabiese Emirate (VAE), waar dié regering help om strategiese voedselsekerheid te bewerkstellig. 

Die Covid-19 pandemie en die oorlog in die Oekraïne het die VAE-regering oortuig dat dit ’n potensiële krisis in die oë gaan staar indien die land, met 12 miljoen inwoners, onderbrekings in logistiek en voedselvoorsieningskettings sou ervaar. Water is skaars in die VAE en sommige emirate, soos die Sharjah Emiraat, ontvang net sowat 140mm reën per jaar.

“Vir die VAE gaan hierdie nie soseer oor die koste van kosproduksie nie, maar eerder oor strategiese voedselsekerheid,” sê Louis Smit, uitvoerende hoof van Jenaan Investment LLC. “Meer as 90% van die land se voedsel word ingevoer.”

Die Sharjah Emiraat se Departement van Landbou het Smit se maatskappy einde Junie 2022 genader om te hoor of Jenaan nie sou belangstel om ’n besproeiingsplaas in die Sharjah-streek te ontwikkel nie. “Toe ons die perseel op 20 Augustus betree was hier basies niks nie – net woestyn,” onthou Smit.

Binne vier maande het Smit-hulle dit reggekry om 16km se pyp te lê, ’n 16 000m3-reservoir te bou en die projek aan die Sharjah Emiraat se munisipale waterstelsel gekoppel te kry. Verder is ’n pompstasie gebou en 12 spilpunte opgerig, wat elk 50ha kan besproei.

Slegs agt van die 12 spilpunte kon onder koring geplant word omdat dit reeds so laat in die seisoen is. Dis tans winter in die VAE en daarom het hulle koring geplant. In die somer hoop hulle om grondbone en sesamsaad te plant.

“Hierdie is nie ’n goedkoop storie nie. Die munisipale water is byvoorbeeld alles seewater, wat deur tru-osmose ontsout word en hierdie plaas se waterbehoefte beloop 50 miljoen liter per dag.”

Geen saad in die VAE word geneties gemanipuleer nie en Smit-hulle het selfs organiese koring onder een van die spilpunte geplant.

“Uiteraard lyk dié spilpunt se koring nou maar ’n bietjie slegter as die res, maar ’n mens moet hierdie proewe doen om te sien hoe ’n organiese produk gaan presteer.” – Susan Marais, AgriOrbit

Lees meer oor ‘n boer wat ‘n wenresep vir lusern het.

  • Suid-Afrikaners inspekteer die koring terwyl hulle in die Verenigde Arabiese Emirate besig is om die toerusting op te stel. Hier is Schalk Oosthuizen (produkspesialis by CNH in Suid-Afrika), Arno du Plessis (hoof van taktiese bemarking van CNH in Suid-Afrika) en Jacques du Plessis (hoof van CNH in Suid-Afrika se groothandelverkope). (Foto: Louis Smit)

Must read

Meet the expert speakers at the 2024 LRF Stockman School

Estimated reading time: 12 minutes If you are a serious commercial or stud farmer who bases your farming enterprise on scientific principles and the latest technology, then be sure to be at Aldam in the...
AECI Plant Health

RSG Landbou: 22 Julie 2024 – geborg deur AECI Plant Health

Wetgewing en regulasie met betrekking tot die gebruik van landbouchemie verander gereeld. Hoe kan die produsent aanpas? SB Coetzee van AECI Plant Health beantwoord hierdie en ander vrae oor dié onderwerp. Volgens Jannie Strydom van...

Weeklikse rooivleispryse / Weekly meat prices

Estimated reading time: 5 minutes Plaashekpryse/Farm gate prices Die jongste vleispryse word weekliks aan u gebring deur Absa en die RPO. Neem kennis dat hierdie nie kleinhandelpryse is nie, maar wel plaashekpryse wat BTW uitsluit. Get the...

Shifting seasons lead to fire hazards

Estimated reading time: 4 minutes It is fire season. Several intense veld fires have been reported in various parts of the country, causing loss of winter forage and stored hay bales, but more tragically, have...
Cilo Cybin noteer op JSE

Landbougeleenthede bly belangrik – Plaas TV vertel meer

Estimated reading time: 2 minutes Hierdie week het Plaas TV weereens vir interessante kykstof gesorg en vandag is #kykweervrydag. Hier is ’n opsomming van dié week se episodes: 'n Mediese-kannabis-beleggingsmaatskappy genaamd Cilo Cybin Holdings Limited het onlangs op...