Lise Roberts gesels in vanoggend se RSG Landbou met kenners oor onderwerpe soos vleisgradering, lammers en aangeplante weiding, asook die impak van reën op veeboere in die Noord-Kaap.
Veeboere
Waarom is dit nodig om vir lammers wat op aangeplante weiding loop ‘n goeie leksamestelling te gee? Sjoerd ten Cate van Feedtek beantwoord hierdie vraag.
Verder praat ons met Brand du Toit van die RPO in die Noord-Kaap oor die impak van die afgelope paar maande se reën op veeboere in dié provinsie.
Vleisgradering
Die behoefte aan ‘n vleisgraderingstelsel kom gereeld ter sprake en Kobus Bester van die Simbra-beestelersgenootskap van Suider-Afrika gesels met ons hieroor.
RSG Landbou word dié week aan jou gebring deur Plaas Media.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
