In vandag se RSG Landbou kyk ons na die vooruitsigte vir statutêre maatreëls in die suiwelbedryf, ons hoor meer oor Kruger Bonsmara en LHB Bonsmara se komende produksieveiling, en kry die jongste vleispryse en landbou-weervooruitsigte.
Vooruitsigte vir statutêre maatreëls in die suiwelbedryf
As ’n nie-winsgewende organisasie is Melk SA sedert 2005 deur die minister van landbou aangewys om statutêre maatreëls te administreer. Hierdie maatreëls word vierjaarliks gepubliseer en moet weer voor 1 Januarie 2026 hernu word. Maar hoe lyk die vooruitsigte? Nico Fouché kuier in die ateljee om hieroor te gesels.
Kruger Bonsmara en LHB Bonsmara produksieveiling
Dan gesels Frikkie Kruger oor Kruger Bonsmara en LHB Bonsmara se komende produksieveiling en veilingsaanbod.
Meer oor die vleispryse en weer
Chris Derksen is terug met die week se vleispryse en Johan van den Berg met die landbou-weervooruitsigte.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
