In vandag se aflewering van RSG Landbou vind ons meer uit oor die tweede Suid-Afrikaanse Preserveerkampioenskap, Louma Boerdery se veiling en ons ontvang die nuuste landbounuus.
Tweede SA Preserveerkampioenskap
Die eerste nasionale Suid-Afrikaanse Preserveerkampioenskap wat in 2025 deur Agri-Expo aangebied is, het 456 inskrywings van 66 vervaardigers gelok. Vanjaar se aflewering het ‘n rekord 700 inskrywings van 85 vervaardigers ontvang. Die beoordeling het onlangs in Durbanville plaasgevind en ons gesels met hoofbeoordelaar, Susina Jooste.
Louma Boerdery hou veiling
Louma Boerdery en Nedibest Brahman se derde Brahman-bulveiling vind op 20 Augustus in die Thabazimbi-omgewing plaas, en Lourens du Plessis gesels oor die aanbod.
Landbounuus
Dis Maandag en natuurlik weer tyd vir ons weeklikse landbounuus, so moet dit nie misloop nie.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
