In vandag se aflewering van RSG Landbou vind ons meer uit oor dr Danie Odendaal van Veearts Netwerk se BEK-entstof veldmoniteringsprogram en ons ontvang die nuutste vleispryse en weervooruitsigte.
BEK-entstof veldmoniteringsprogram
Die bekende kuddeveearts, dr Danie Odendaal van Veearts Netwerk, werk nou saam met veeartse, boere en produsente-organisasies om die veilige gebruik van bek-en-klouseer entstof in kommersiële melk- en vleisbeeskuddes te evalueer. Voerkrale en selfs kommunale kuddes is by die gestruktureerde veldmoniteringsprogram. Hy gee vir ons terugvoer oor hulle waarnemings.
Nuutste vleispryse en weervooruitsigte
Ons hoor ook wat Chris Derksen oor hierdie week se vleispryse te sê het en Johan van den Berg gesels weersake.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
