In vandag se aflewering van RSG Landbou vind ons meer uit oor die lang-verwagte beheermaatreëls vir die bestuur van bek-en-klouseer, die impak van verhoogde koolstofdioksiedvlakke op weiding en ons ontvang die nuutste internasionale landbounuus.
Lang-verwagte beheermaatreëls vir die bestuur van bek-en-klouseer
Die minister van landbou, John Steenhuisen, het op 24 Junie die lang-verwagte beheermaatreëls vir die bestuur van bek-en-klouseer ingevolge Artikel 9 van die Wet op Dieresiektes, afgekondig. Maar wat is die implikasies daarvan vir die landbousektor en veral ons beesvleisprodusente? Kobus Bester van die SA Stoettelersfederasie verduidelik.
Impak van verhoogde koolstofdioksiedvlakke op weiding
Die impak van verhoogde koolstofdioksiedvlakke op weiding is in talle streke van Suid-Afrika duidelik sigbaar. Dr Justin du Toit sal tydens die Weidingsvereniging van Suidelike Afrika se kongres wat einde Julie by Grabouw plaasvind, terugvoer gee oor die navorsing wat hy op die gebied gedoen het. Ons gesels met hom hieroor.
Internasionale landbounuus
Dan is Izak Hofmeyr aan die woord met die nuuste internasionale landbounuus.
RSG Landbou is ’n Afrikaanse algemene landbouprogram wat daagliks van 5:25 tot 5:55, Maandae tot Donderdae, op RSG uitgesaai word en daagliks tussen 40 000 en 80 000 luisteraars bereik. Die program bevat tegniese inhoud oor alle landbouvertakkings en landboumarkte, en word deur Lise Roberts aangebied.
Neem deel aan gesprekke oor die onderskeie insette op sosiale media met @DieLandbougesprek en #RSGLandbou. Vir meer inligting stuur ‘n e-pos aan lynette@plaasmedia.co.za.
Luister hier na vorige uitsendings.
