Estimated reading time: 3 minutes
Tydens die gala-aand van die Rooivleisprodusente-organisasie in die Noord-Kaap (RPO Noord-Kaap) op 11 Junie 2025, is verskeie rolspelers in die provinsie vir hul aandeel in die werksaamhede van die organisasie vereer. Dit is die eerste keer dat dié organisasie so ’n wye verskeidenheid rolspelers tydens hierdie galadinee vereer het.
Pryse is tydens die funksie in die volgende kategorieë oorhandig:
Suid-Afrikaanse Polisiediens (SAPD) se beste veediefstal-eenheid:
Kimberley.
SAPD se beste ondersoekbeampte in die Noord-Kaap:
Sersant Winston Julies van De Aar.
Beste abattoir/voerkraal:
Eerste plek: Kyto Voerkraal.
Tweede plek: Calvinia Lande.
Derde plek: Cavalier Voerkraal.
Beste veilingshuis:
Eerste plek: Noord-Kaap Lewendehawe.
Tweede plek: OVK.
Derde plek: Karoo Ochse.
Beste kleinhandelsvennoot:
Eerste plek: Beefmaster-fabriekswinkel in Kimberley.
Tweede plek: GWK-kleinhandel.
Derde plek: OVK-handel.
Beste dieregesondheidspesialis:
Eerste plek: Deon Kriel.
Tweede plek: Marlene Pieterse.
Derde plek: Dr Sherike van der Merwe.
Beste predasiespesialis:
Eerste plek: Philip Badenhorst.
Tweede plek: Niel Viljoen.
Derde plek: H&J Jakkalsbeheer.
Ondervoorsitter, Charl Saunderson, het ook oorkondes aan twaalf persone oorhandig vir hul jarelange en toegewyde diens aan RPO Noord-Kaap, naamlik: James Faber, Nasionale RPO-voorsitter; Brand du Toit, RPO Noord-Kaap-voorsitter; Koning Scholtz, voormalige RPO Noord-Kaap-voorsitter; Joe Scholtz, voorsitter van die landelike veiligheid- en veediefstalkomitee by Agri Noord-Kaap, ondervoorsitter van nasionale veiligheid by Agri SA en ondervoorsitter van die nasionale veediefstal-eenheid by die RPO; Pieter Smit, voorsitter van die Mier Landbou-unie; WK Shaw van die Ghaap Landbou-unie; Koos du Pisanie, streeksverteenwoordiger van Plaas Media; Phillip Louw van Agri Oranje Noord; Sybrand Venter van die Carnarvon Landbou-unie; JJS Oberholser van die Postmasburg Landbou-unie; Johannes Human van die RPO Noord-Kaap; en Marian van der Westhuizen, rekenmeester van Agri Noord-Kaap. – Koos du Pisanie, Plaas Media
Lees meer oor die RPO Noord-Kaap se jaarlikse kongres.
