Estimated reading time: 2 minutes
Prof Frikkie Maré is pas as die nuwe hoofuitvoerende beampte van die Rooivleisprodusente-organisasie (RPO) aangewys. Hy volg vir Gerhard Schutte op, wat in Junie vanjaar sy aftrede aangekondig het. Schutte het dié rol vir die afgelope 35 jaar beklee.
As hoofuitvoerende beampte het Schutte die uitdagings en geleenthede binne die rooivleisbedryf met vaardigheid hanteer. Hy was ‘n kampvegter vir die regte en belange van rooivleisprodusente en het na regverdige handelspraktyke, volhoubare boerderymetodes en verbeterde bedryfstandaarde gestreef.
Prof Maré, ‘n landbou-ekonoom, is die afgelope 15 jaar betrokke by die Universiteit van die Vrystaat en dien tans as akademiese hoof van die Departement Landbou-ekonomie aan die Fakulteit Natuur- en Landbouwetenskappe. Hy beskik oor wye kennis van die rooivleisbedryf, die waardeketting en die relevante strukture. Hy het ook die afgelope jare in sy rol by die universiteit as mentor vir menige studente en kollegas gedien. Hy is ook al etlike jare by Plaas Media op konsultasiebasis betrokke, en is ook die redakteur van Veeplaas.
Prof Maré meen hy is gerat om die talle uitdagings in die rooivleisbedryf met unieke benaderings en strategieë aan te pak. Hy sal met ingang van 1 Februarie 2024 in die pos dien. – Elmarie Helberg, Plaas Media
Vrystaat RPO beklemtoon biosekuriteit
Die Rooivleisprodusente-organisasie (RPO) Vrystaat se jaarlikse kongres het op 15 Junie in Bloemfontein plaasgevind met ’n fokus op naspeurbaarheid en biosekuriteit. Nico Buys, voorsitter van die RPO Vrystaat, het klem op die makro-faktore wat rooivleisproduksie beïnvloed, asook die invloed daarvan op vleispryse, gelê.
James Faber, voorsitter van die nasionale RPO, het gesels oor die RPO se Visie 2030 vir winsgewendheid.
Lees meer hier:
RPO-kongres: Verskans jouself só teen El Niño
Dr Henno Havenga, ’n klimatoloog van Noordwes-Universiteit, het nie goeie nuus vir die produsente tydens die Rooivleisprodusente-organisasie (RPO) se Noord-Kaap-kongres in Kimberley gebring nie. Volgens sy berekenings en voorspellings kan die produsente in die volgende jaar weer ’n droogtejaar verwag. Hy sê die ergste is dat dit nie ‘n vlugtige verskynsel is nie.
Lees meer hier:
