Tuesday, March 28, 2023

Onteieningswetsontwerp na parlement eers teruggehou

Estimated reading time: 2 minutes

“Ons kan net hoop dat die openbare insette uiteindelik in ag geneem word. Ons eiendomsreg mag nie van ons ontneem word nie en daarom sal Vrystaat Landbou (VL) enige aksie ondersteun wat daarop gemik is om die spesifieke klousules wat ons bekommer binne die wetsontwerp, by wyse van ʼn litigasieproses aan te spreek.”

Só sê Francois Wilken, president van VL, ná die aankondiging dat die Portefeuljekomitee oor Openbare Werke en Infrastruktuur die Onteieningswetsontwerp (B23 -2020) op versoek van die ANC, eers teruggehou word voordat dit na die parlement gaan.

Lees meer oor Saai se landeisplatform hier.

Die portefeuljekomitee het op 14 September 2022 vergader vir die oorweging en aanvaarding van die verslag om die Onteieningswetsontwerp goed te keur, sonder noukeurige oorweging van openbare insette.

“Hierdie wetsontwerp het verreikende gevolge vir elke burger. VL se grootste bekommernis is dat die wetsontwerp onteiening teen nul vergoeding in die hande van die regering en sy staatsamptenare sal toelaat en die mag sal vestig. Die wetsontwerp sal verder die las op die eienaar plaas om sy of haar regte op eie koste te verdedig.”

Lees meer oor Saai se ondersoekfonds na Landboek hier.

Die volgende portefeuljekomiteevergadering is voorlopig vir 20 September 2022 geskeduleer, waartydens die komitee se verslag ten opsigte van die Onteieningswetsontwerp waarskynlik gefinaliseer sal word.

Vir meer inligting, kontak Francois Wilken, president van VL, by 083 390 1831. – Persverklaring, Vrystaat Landbou

The Land Bank: Challenges and prospects

Estimated reading time: 7 minutes The Land Bank has been struggling to fulfil its...

Grondeise: Die pligte van kopers en verkopers van plase

Estimated reading time: 5 minutes Onafgehandelde grondeise begin toenemend 'n faktor raak by die...

Die veranderende Suid-Afrikaanse volstruisbedryf

Estimated reading time: 7 minutes Die Suid-Afrikaanse volstruisbedryf is die wêreldleier in terme van...

Slaggate vir doeltreffende werking van onkruiddoders

Estimated reading time: 6 minutes Onkruiddoders behoort nie die enigste of laaste uitweg vir...