Navigeer en beheer die datadoolhof met AFS Connect

Estimated reading time: 4 minutes

Vinnige landboutegnologiese vooruitgang beteken produsente moet kophou om volle voordeel daaruit te trek. Maar hoe gemaak as jy reeds groot bedrae geld bestee het aan toerusting wat nog bruikbaar is, maar nie noodwendig by jou bestuursplatform inskakel nie?

Case IH se AFS Connect-stelsel is nie handelsmerk-spesifiek nie. Verskeie werktuie en implemente van verskillende vervaardigers se data kan op hierdie sentrale punt versamel word en ’n geïntegreerde beeld van die boerdery bied, verduidelik Esmond Coen, die hoof van presisielandbou vir CNH in Suid-Afrika– wat Case IH en New Holland insluit.

Insameling van data

Die AFS Connect-stelsel is geskoei op ’n toeganklike datastandaard soos ISOXML wat meebring dat data seepglad tussen Case IH, New Holland en ander vervaardigers se toerusting gedeel kan word mits hierdie standaard gebruik word. Dit sluit derde-party telemetrieverskaffers in. Trekkers, planters, spuite, stropers en ander toerusting se data kan dus op een platform versamel word.

Nuwe toerusting koppel bloot met ’n dataverbinding aan die platform, terwyl ouer toerusting wat data versamel – maar dit nie regstreeks kan oplaai nie – se data later op die platform gelaai kan word. Dis wel so dat betroubare dataverbindings in sommige dele van Suid-Afrika ’n uitdaging is. Coen sê hulle is voortdurend besig om voort te bou op die GSM-netwerk in landelike gebiede om dataverbindings te verbeter.

Esmond Coen
Esmond Coen

Natuurlik is daar ook die BOC, of bring your own connection. Talle produsente het reeds wifi-uitbreiders op hul plase geïnstalleer om betroubare dataverbindings te verseker. Satelliet-internettoegang raak ook meer algemeen en bekostigbaar.

Dit is egter nie ’n probleem indien ’n verbinding onderbreek word nie. Die data word op die werktuig gebuffer en na die AFS Connect-platform opgelaai sodra die verbinding herstel is, of die werktuig weer binne reikafstand van ’n wifi-netwerk kom. Met RTK Plus se outonome bestuursfunksie kan ’n masjien op koers bly, sou die dataverbinding onderbreek word.

In die wolk

AFS Connect verseker dat alle data op ’n sentrale punt gestoor word. Dit bied aan produsente ’n holistiese oorsig wat hulle toelaat om doeltreffendheid te verbeter en kostes te verlaag. Die data kan selfs gebruik word om die doeltreffendheid van verskillende handelsmerke te vergelyk.

AFS Connect versamel hierdie magdom data in die wolk of cloud. Die wolk het onbeperkte kapasiteit waar dit van enige plek in die wêreld toeganklik is. Die data word veilig en privaat op die produsent se profiel gestoor en hy/sy kan besluit met wie dit gedeel word. Dit kan gebruik word in die opstel van bemestingsvoorskrifte, spuitprogramme, bewerkingstaktieke en vele meer.

Nuwe, goedkoper tegnologie maak dit moontlik om ’n rits ander toerusting en sensors aan AFS Connect te koppel, van grondvogsensors en weerstasies, tot bakkies en selfs kragopwekkers.

Gebruikersvriendelike metodes

AFS Connect se mikpunt is om produsente by te staan om die stelsel geleidelik te implementeer. Daar is ’n intekenfooi verbonde aan die gebruik van die stelsel wat in die aankoopprys van die meeste nuwe toerusting ingesluit is. Daar is geen beperking op die aantal toestelle wat aan die stelsel gekoppel kan word nie.

AFS Connect maak gebruik van kaarte, tabelle en verslae wat die data gebruikersvriendelik uitbeeld. Produsente kan tendense en probleme vroegtydig identifiseer en ingeligte besluite neem op grond van werklike resultate.

Die stelsel fasiliteer ook die skep en implementering van variërende grondvoorskrifte. Dit kan self of deur konsultante opgestel word om plantestand, kunsmistoediening en onkruidbeheer oor ’n land af te wissel op grond van wisselende grondtipes en -potensiale.

Lees hoe hommeltuie ‘n verskil op die plaas kan maak.

Die werklike waarde van data lê in ’n groot datastel wat oor verskeie seisoene geneem is en boekhou van al die veranderlikes. Hoe meer data daar is, hoe meer akkuraat is toekomstige skattings.

Vir meer inligting, besoek Case IH se webwerf by www.caseih.co.za.

Must read

DWS

Mylpaal vir waterbestuur in Suid-Afrika

Estimated reading time: 2 minutes Die bekendstelling van vier opvanggebiedbestuursagentskappe (CMA’s) deur die Minister van Water en Sanitasie, Senzo Mchunu, tydens die Waterinstituut van Suider-Afrika (WISA)-konferensie wat onlangs in Durban gehou is, verteenwoordig ’n...

RSG Landbou: 13 Junie 2024 – geborg deur BKB

Ons kry terugvoer vanaf die RPO Noord-Kaap-kongres wat onlangs in Kimberley plaasgevind het. Die uittredende voorsitter, Koning Scholtz, praat oor die produsent en die rol van dié produsente-organisasie, veral in moeilike tye. Brand du...

Bull selection, the smart way

Estimated reading time: 8 minutes When it comes to genetic progress in a herd, the simple truth is that a bull contributes up to 90% of this progress. This is a fact that beef...

Ellisras-beesskou: Die hartklop van landbou in Limpopo

Estimated reading time: 2 minutes Die Ellisras-beesskou, wat van 4 tot 6 Julie 2024 plaasvind, is 'n hoogtepunt op die Bosveld-streek se landboukalender. Hierdie jaarlikse geleentheid trek produsente en landbouliefhebbers van regoor die land...
World Ocean Day

RSG Landbou: 12 Junie 2024 – geborg deur BKB

Wêreld Oseane-dag is op 7 Junie gevier. Dis nie net die natuurlewe in die see wat bedreig word nie, maar ook vissersgemeenskappe. Dis hier waar Ocean Basket ‘n verskil maak. Ons gesels met Marco...