Gevorderde voermenger sorg vir beter melkbeesgesondheid

Estimated reading time: 4 minutes

Die regte voerstelsel kan die verskil beteken tussen ’n kudde wat gedy en een wat bloot net bestaan. So sê Dylan Eagleston, ’n melkprodusent van Stockton Farm naby Creighton in KwaZulu-Natal. Hy het onlangs oorgeskakel na ’n Trioliet-voermenger.

Dylan gebruik die Trioliet-voermenger al vir etlike maande en is beïndruk met dié stewige masjien se robuuste ontwerp en presiese sny- en mengmeganismes wat meer akkurate en egalige mengsels met minder moeite en groter betroubaarheid lewer. Die masjien bied ook ander voordele omdat dit so vinnig en doeltreffend werk. Dit maak die werkers se hande los om op ander belangrike take te fokus sonder dat hulle heeltyd op die beeste se voer en rantsoenering hoef te fokus.

Die voordele van Trioliet-voertegnologie

Hierdie kragtige toerusting maak gebruik van tegnologie wat in Nederland vir die internasionale landboumark ontwikkel is. Smith Power Equipment is die enigste verskaffer van Trioliet-voermengers in Suid-Afrika en die handelsmerk het in ‘n japtrap sy merk landswyd by verskillende groot- en kleinvee- asook varkprodusente gemaak.

Volgens Herman Meintjes van Smith Power Equipment is hierdie voermengers taai en behoorlik aanmekaar gesit. Die kombinasie van hoë-gehalte lemme, dikker dryfasse, en gevorderde meng- en snymeganismes verseker dat Trioliet se masjiene ‘n lang leeftyd het. Waar nodig, kan dit ook werk sonder dat dit beweeg en die tweespoedratkas verbruik minder krag as soortgelyke mengers.

Dit alles verseker ’n vinniger uitset terwyl ’n verskeidenheid van ander voere soos tef, lusern en ander byvoedings ook gemeng kan word. Dylan sê die 900 melkbeeste op sy plaas ontvang die nodige nutriënte danksy die voermenger se beskikbare verstellings wat sorg dat voer na gelang van die diere se veranderende behoeftes en groeisiklusse aangepas word.

’n Gebruikersvriendelike stelsel wat tyd spaar

“Ons het ’n paar jaar lank ’n tradisionele voermenger met ouer tegnologie gebruik en is geensins spyt oor ons oorskakeling na die Trioliet-voermenger nie. Die produsent se dag het nie genoeg ure nie en ons was dus op die uitkyk vir toerusting wat werklik tyd en moeite spaar, én beter werkverrigting sou lewer. Ek beveel ‘n oorskakeling na Trioliet ten sterkste aan en deel graag my ervaring met ander veeboere,” sê Dylan.

Herman bied tegniese ondersteuning in KwaZulu-Natal en voeg by dat die Trioliet-voermenger op- en afskaling, konsekwente rantsoene, verbeterde doeltreffendheid en minder vermorsing bied. Dit neem maar ‘n paar dae vir ‘n werkspan om by die nuwe stelsel aan te pas en die gebruikersvriendelike ontwerp, bystand en opleidingshulpbronne verseker dat gebruikers die funksies vinnig onder die knie kry.

’n Slim belegging met goeie bystand

Gerhard Taljaard, Smith Power Equipment se heelgoedere-verkoopsbestuurder vir die streek en nasionale onderdelebeplanningsbestuurder, sê die regte voerstelsel is ’n slim belegging wat goeie opbrengste in ‘n relatiewe kort tydperk lewer. Hierdie voordele is duidelik sigbaar in ‘n kudde se verbeterde produksievermoë en gesondheid.

Die regte voerstelsel kan die verskil beteken tussen ‘n kudde wat gedy en een wat bloot net bestaan.

“Ons Trioliet-toerustingverkope word ondersteun deur ons omvattende handelaarsnetwerk wat tot in die uithoeke van Suid-Afrika en sy buurlande strek. Daar is genoegsame voorraad by ons verspreidingsentrum in Johannesburg beskikbaar en ons werk hand-aan-hand saam met ons handelaars om te verseker dat noodsaaklike voorraad vinnig beskikbaar is, waar produsente dit ook al benodig. Ons voermengers se pryse is uiters mededingend en word saam met vooraanstaande landbouhandelsmerke soos Kubota, Ausa en Fede verkoop,” sluit hy af.

Lees meer oor die ekonomie van skaal en die uitbreiding van ’n veeboerdery.

Vir meer inligting, skakel Geoffrey Green, Smith Power Equipment se digitale bemarkingsbestuurder by 011 284 2053, stuur ’n e-pos na geoffrey@smithpower.co.za, of besoek www.smithpower.co.za.

E-Kubota trekkerreeks

Must read

Bull selection, the smart way

Estimated reading time: 7 minutes When it comes to genetic progress in a herd, the simple truth is that a bull contributes up to 90% of this progress. This is a fact that beef...

Ellisras-beesskou: Die hartklop van landbou in Limpopo

Estimated reading time: 2 minutes Die Ellisras-beesskou, wat van 4 tot 6 Julie 2024 plaasvind, is 'n hoogtepunt op die Bosveld-streek se landboukalender. Hierdie jaarlikse geleentheid trek produsente en landbouliefhebbers van regoor die land...
World Ocean Day

RSG Landbou: 12 Junie 2024 – geborg deur BKB

Wêreld Oseane-dag is op 7 Junie gevier. Dis nie net die natuurlewe in die see wat bedreig word nie, maar ook vissersgemeenskappe. Dis hier waar Ocean Basket ‘n verskil maak. Ons gesels met Marco...
Die sprekers by die boeredag was, van links: Rhys Sims van 4MIX International, Christopher Sparks, Herman Nel van die Grassfed Association of South Africa en Graham Hobbs, naburige Nguniteler en keurder.

Bemarkingsknelpunte uitgelig op Nguni-boeredag

Estimated reading time: 3 minutes Tydens ’n Nguni-boeredag wat op die plaas van Christopher Sparks van Sparks Nguni’s by Swinburne in KwaZulu-Natal aangebied is, is verskeie knelpunte bespreek wat eie is aan die Nguni...
Saoedi-Arabië het verlede week die verbod op vleis- & rooivleisprodukinvoere vanaf SA gelig maar die eerste besending gaan nog 'n ruk wees.

RSG Landbou: 11 Junie 2024 – geborg deur BKB

Die invoer van kalwers van buurlande is een van die grootste knelpunte vir rooivleisprodusente in die Noordwes-provinsie. So sê Nico Kilian van RPO Noordwes. Ons hoor wat hy verder te sê gehad het tydens...