dormerveiling
Die ram D160011 wat vir R85 000 verkoop is. Van links staan die afslaer, Ian Grobbelaar, die verkoper, Schalk Lourens, en die koper, Colleen van der Merwe.

Uitstekende pryse is behaal op die Elite Dormerveiling op die eerste dag van ALFA 2017 by die Afridome in Parys.  Die hoogste prys vir ‘n ram was R85 000 en vir ‘n ooi R12 000. Albei diere is deur Schalk Lourens van Bethal op die veiling aangebied. Die ram is deur Colleen van der Merwe van Petrusburg gekoop.

Die vier verkopers was Mamre Dormers van Manie en Karin Wessels van Frankfort, Dolf Bam van Wakkerstroom, Schalk Lourens van Bethal en Erika Hanekom van Malmesbury.

Altesaam 14 ramme is teen ‘n gemiddelde prys van R15 321,43 verkoop en 53 ooie teen ‘n gemiddeld van R5 725,47. Die omset van die veiling het op R517 950 te staan gekom. Vleissentraal het die veiling aangebied en Ian Grobbelaar was die afslaer. – Izak Hofmeyr, Veeplaas

 

dormerveiling
Die verkopers wat hier by Ian Grobbelaar staan was Schalk Lourens, Karin Wessels, Erika Hanekom en Dolf Bam.


NO COMMENTS

LEAVE A REPLY