HomeAgri NewsBKB Merino Ope vertoon die room van SA Merino’s

BKB Merino Ope vertoon die room van SA Merino’s

Estimated reading time: 2 minutes

Die BKB Merino Ope wat deur Nampo Kaap op Bredasdorp aangebied is, het 13 Merino-telers gelok wat met uitstekende diere teen mekaar meegeding het. Die teler wat die meeste punte behaal het, is Dirk Hanekom van Korenhof Merino’s in die Klipdale-omgewing. In die foto’s is die wenners van die spesiale klasse.

BKB was die hoofborg en Plaas Media was die mediaborg van die geleentheid.

Hier volg die uitslae:

Dirk Hanekom van Korenhof Merino’s in die Klipdale-omgewing was die teler wat die meeste punte behaal het. Hy het sy toekenning van Pierre Vlok van BKB ontvang.

Spesiale klasse

  • Dirk Hanekom (tweede van links) van Korenhof Merino’s in die Klipdale-omgewing is die eienaar van die grootkampioenram. Van links is Danie van Deventer, ook van Korenhof Merino’s, Pierre Vlok van BKB en Sarel Oerson, hanteerder.

Ongeskeerde speenlammers: kortwol

  • Die eienaar van die kampioen- en reserwe-kampioenooilam (kortwol, liggewig) is André Christie-Smith van Kleiheuwel in Bredasdorp. Van links is Sjoerd Tencate van Feedtek, wat ook ‘n borg is, Stoffel Bantom, hanteerder, Christie-Smith, en Erick Saaiman, hanteerder.

Ongeskeerde speenlammers, langwol

  • Die eienaar van die kampioen-ramlam (langwol, ligggewig) is Henk Groenewald (links) van Angola Broers in Bredasdorp. Saam met hom is Marius Esterhuizen van Quantro Wools, wat ook ‘n borg is, en Abraham Pietersen, hanteerder.

Geskeerde ooilammers, langwol

  • Uysie Willemse (middel) van Goedeverwachting Merino’s naby Heidelberg in die Kaap is die eienaar van die kampioenooilam (langwol, liggewig). Saam met hom is Hannelet Jordaan, van BKB, die hoofborg, en Hendrik Cowen, hanteerder.

Geskeerde ramlammers, kortwol

  • Die eienaar van, Swellendam Kampioen-ramlam (kortwol, middelgewig) is Van As Broers. Van links is Danie Louw en Adam van As van Van As Broers, Frank Windvogel, hanteerder, en Hannelet Jordaan van BKB, die hoofborg.

Tweetand-ooie, kortwol

  • Die eienaar van die kampioen- en reserwe-kampioenooi (tweetand, liggewig) is Johan du Plessis van Suiderkruis Merino’s naby Humansdorp. Van links is Sumé Loubser van Feedtek, wat ook ‘n borg is, Pieter Hefke, hanteerder, Johan du Plessis en Kurwin Roberts, hanteerder.

Tweetand-ramme, kortwol

  • Die eienaar van die kampioen- en reserwe-kampioenram (tweetand, liggewig) is Adam van As van Van As Broers in Swellendam. Van links is Gerhard van As, van Molatek, wat ook ‘n borg is, Jerry Lucas, hanteerder, Adam van As van Van As Broers, en Jan Jacobs, hanteerder.

Viertand-ramme, kortwol

  • Die eienaar van die kampioenram (tweetand, onder 114kg) is Dirk Hanekom (middel) van Korenhof Merino’s by Klipdale. Links is Danie van Deventer van Korenhof Merino’s, en Nigel Africa, hanteerder.

Geskeerde of ongeskeerde ooilammers

  • Henk Groenewald (middel) van Angola Broers in Bredasdorp is die eienaar van die kampioenooilam (kortwol). Saam met hom is Gavin September, hanteerder en Nico Klinck van Voermol, wat ook ‘n borg is.

Geskeerde of ongeskeerde ramlammers

  • Die kampioen- en reserwe-kampioenramlam (kortwol, liggewig) behoort aan Dirk Hanekom van Korenhof Merino’s by Klipdale. Van links is Danie van Deventer van Korenhof Merino’s, Sarel Oerson, hanteerder, Pieter du Plessis van die hoofborg BKB, Hanekom, en Cohan Crouwkamp, hanteerder.

Tweetand-ooie, langwol

  • Die eienaar van die kampioen-ooi (tweetand, liggewig) is Dirk Hanekom van Korenhof Merino’s by Klipdale. Van links is Corné Serfontein van Livetrack, wat ook ‘n borg is, Danie van Deventer van Korenhof Merino’s, en Sarel Oerson, hanteerder.

Tweetand-ramme, langwol

  • Die eienaar van die kampioenram (tweetand, middelgewig) is Dirk Hanekom van Korenhof Merino’s in Klipdale. Van links Danie van Deventer en Dirk Hanekom van Korenhof Merino’s, en Sarel Oerson, hanteerder.

Viertand-ramme, langwol

  • JA Saayman en Seun van Platkop Merino’s in Riversdal is die eienaar van die kampioenram (viertand, onder 117 kg). Van links is Jac Saayman van Platkop Merino’s, en Stoffel Bantom, hanteerder.

Veldaangepaste Merino’s floreer in die Karoo

Die Karooboer Stefan Naudé glo ’n mens se boerderypraktyke moet in orde wees om suksesvol te boer. Stefan boer op die plaas Skuilhoek in die Hanover-distrik, wat uit gemengde Karooveld bestaan.

Veeplaas het met Stefan oor sy boerdery gesels, vernaamlik oor die Geelbek Elite Merino-stoet, wat hy en sy broer, Eric Naudé van Leopardsvlei, gesamentlik besit.

Die Geelbek Elite Merino-stoet se skape word al vir meer as 75 jaar deur noukeurige waarneming en streng seleksie van die veld af geteel. Stefan en Eric se oupa, Fanie Naudé, het destyds saam met sy broer, Fransie, begin om vir ’n gladdelyf-tipe skaap te selekteer – ’n neiging wat toe nog nie deur enige ander produsente voorgestaan is nie.

“So het ons skape bekend geword vir hul gladde lywe, goeie bouvorm, vinnige aanpasbaarheid en uitstaande wol,” vertel Stefan. Hy voeg by dat Geelbek Merino’s se oorsprong van die plaas Geelbeksfontein in die Richmond-distrik is, waar sy oupa geboer het.

Must Read

Red meat: Collaboration is the key to success

Estimated reading time: 8 minutes During the 30th Conference and Congress of the Red Meat Abattoir Association (RMAA), a variety of topics were on...